बुधवार दिनांक ०३/०१/२०२४ रोजी शिवतेज आरोग्य सेवा संस्थेच्या सिद्धयोग विधी महाविद्यालयातील विद्यार्थ्यांनी खेड पोलीस स्टेशन येथे सदिच्छा भेट दिली. पोलिसांच्या कार्याबद्दल कृतज्ञता व्यक्त करण्यासाठी तसेच पोलिसांचे दैनंदिन कामकाज समजून घेण्यासाठी, पोलिसांना येणाऱ्या अडचणी जाणून घेण्यासाठी आणि पोलीस, वकील आणि सामान्य जनता यांच्यात उत्तम समन्वय कसा साधता येईल यावर विचार करण्यासाठी हा अभ्यास दौरा खेड पोलिस स्टेशनला आयोजित केला गेला होता. पोलिस खात्याप्रती कृतज्ञता व्यक्त करणारे स्मृतिचिन्ह देखील सिद्धयोग महाविद्यालयाच्या भावी वकिलांनी पोलिसांना प्रेमपूर्वक दिले. यावेळी खेड पोलीस स्टेशनचे पोलीस निरीक्षक श्री. नितीन भोयर, पोलीस उपनिरीक्षक श्री. रोहिदास केंद्रे तसेच सिद्धयोग महाविद्यालयाचे प्राध्यापक आणि वकील श्री. दिलीप चव्हाण सर आणि श्री. स्वप्नील खोपकर सर आणि महाविद्यालयाचे विद्यार्थी उपस्थित होते.
